Nieves Esther Taboada Estévez, a persoa máis lonxeva de Silleda, cumpre 106 anos!

Ecos da Comarca/Silleda

A alcaldesa de Silleda, Paula Fernández, e a concelleira de Benestar Social, Ángela

Troitiño, visitaron onte a residencia de maiores da Ponte para felicita a Nieves Esther Taboada Estévez polo seu 106 aniversario.

Taboada, veciña de Siador, é a persoa máis lonxeva de Silleda, razón pola cal foi escollida para amadriñar o ano pasado a inauguración da nova casa consistorial. Ademais, o municipio silledense ten que lle agradecer a cesión de terreos para construír os depósitos de auga no Marco, que dan servizo a esta parroquia e a seis máis.

Publicidade

Preme na imaxe se queres obter máis información.

É así mesmo a primeira protagonista de (In)visibles, a campaña coa que o Concello de Silleda está recoñecendo durante este ano a traxectoria de doce mulleres do municipio, unha por mes.

Publicidade

Preme na imaxe se queres contactar connosco.

Nieves, que chegou a centenaria vivindo soa no seu domicilio, celebrou onte o seu aniversario na residencia dando mostras dunha saúde de ferro e moi bo ánimo. Parabéns!