O piloto de Palas de Rei parte entre os favoritos aos postos de honra da segunda cita da Copa de España de Rallies de Asfalto
Ecos da Comarca/Palas de Rei
Tras varias semanas de descanso, nas que Luis Vilariño aproveitou para recuperarse fisicamente da lesión muscular sufrida na previa á cita inaugural da Copa de España de Rallies de Asfalto, o piloto palense competirá esta fin de semana no Rallye Cidade de Narón. No asiento da dereita do seu Skoda Fabia R5 contará novamente con David Míguez.
Publicidade
A cita naronesa disputarase integramente na xornada do sábado, cun total de cinco tramos a dobre pasada, aínda que o venres levarase a cabo unha renovada cerimonia de saída que nesta ocasión contará con a case 60 inscritos para percorrer o centro de Narón nunha caravana que achegará aos afeccionados á proba.
Publicidade
Vilariño comentaba na previa á carreira: “Chegamos moi ilusionados, pois en la Llana a pesar de non estar ao 100% fisicamente puidemos marcar varios tempos moi bos, o que nos fai ser optimistas en canto ao ritmo que podemos ter. En Narón xa sabemos o que é gañar, pois temos senllos triunfos cando competiamos no certame autonómico, é unha carreira moi complicada, con moitos cruces e zonas nas que é fácil cometer un erro. Ademais, nesta ocasión a lista de inscritos é dun nivel extraordinario, o que supoñerá un plus de motivación para tentar dar o mellor de nós e pelexar polo mellor resultado posible.”
Comments