Mobilízase un operativo en Agolada tras sufrír unha muller unha caída nun domicilio

Ecos da Comarca/Agolada

Esta tarde, ademais do accidente das sete da tarde, tivo lugar antes outro incidente en Agolada. En concreto, tratouse dunha caída pasados uns minutos das 16:30 horas e na rúa Calvo Sotelo do casco urbano.

Tal e como informa o 112 Galicia unha muller caeu nun domicilio. "Foi un particular o que solicitou asistencia porque a persoa non podía saír do inmoble".

Ata o lugar desprazáronse Urxencias Sanitarias, os Bombeiros de Silleda, Protección Civil de Agolada e a Garda Civil.

Preme na imaxe se quere contactar connosco.

Tras acceder ao interior rompendo unha fiestra, a afectada foi trasladada en ambulancia ao centro hospitalario.