"Minería e protección cultural e ambiental non son compatibles", sinala a Plataforma Veciñal Mina Touro - O Pino NON

Ecos da Comarca/O Pino/Touro

A Plataforma Veciñal Mina Touro O Pino non escribe o seguinte comunicado. Queres saber a que se refire?

"No concello do Pino na Coruña, atópase o pobo de Cebreiro, nesa mesma localidade é onde está a coñecida como “Camiño Real da feira do 20”, unha vía tradicional e histórica que une esta localidade coa veciña parroquia de Loxo en Touro.

A actividade dunha mina ao descuberto nesas localidades a finais dos anos 80 deteriorou parte deste Camiño histórico e que se segue usando hoxe polos propietarios dos terreos que comunican ambas as localidades, era unha vía de comunicación que acurtaba distancias.

Esta vía está ligada á celebración da tradicional feira, que aínda nestas datas, celébrase todos os meses na Carballeira de San Sadurniño cada día 20, un elemento natural patrimonial catalogado e protexido, e que non pode entenderse sen o “Camiño Real” que lle dá acceso desde o sur de onde viñan en outrora a comerciar desde as localidades de Pontevedra e vinculado tamén ás vías romanas e do Camiño Histórico do Camiño de Francés por Quión; a partir do síglo XVI serviu para as relacións entre os núcleos de poboación de Touro e O Pino, antes de que se realizase o actual trazado da estrada na segunda metade do século XVIII.

Esta carballeira tamén está bordeada polo río de Rozas que nace na ladeira este de o coñecido Monte das Minas e discorre cara a Touro camiño do río Lañas.

Publicidade

Preme na imaxe se queres contactar connosco.

Na noite do día 27 de setembro tivo lugar unha “festa mineira” segundo anunciaron en carteis, nos terreos públicos desta Carballeira. Ao seguinte a contorna natural descrita atopábase nun estado lamentable, non só no campo deste espazo natural senón tamén o río das Rozas, con botellas, latas, plásticos, papeis, restos de comida e bebidas polo campo e o río con escumas esbrancuxadas.

Un acto máis de irresponsabilidade, falta de respecto ao medio e ao patrimonio natural. Unha vez máis nos afirmamos en que minería e patrimonio non son compatibles".