"Meu fillo pasou 48 horas agardando pola cama en Conxo e co traslado xa nin quero pensalo. Non había ambulancia para levalo"

A Asociación de Pacientes e Usuarios do CHUS comparten un testimonio dunha veciña das comarcas

Ecos da Comarca/Xeral

Autor: Ecos da Comarca.

A Asociación de Pacientes e Usuarios do CHUS comparten un testimonio dunha veciña das comarcas que ECOS DA COMARCA tamén queres facelo público. É o seguinte:

Publicidade

Preme na imaxe para obter máis información!

"COMPARTIMOS O TESTEMUÑO de María Sol Murujosa (veciña da comarcas), nai dun paciente que o día 10 de decembro do 2023 estivo nos servizos de urxencias do CHUS. Ese día o servizo estaba cheo de pacientes graves aparcados nos corredores agardando a ser atendidos nos espazos ocupados polos pacientes co ingreso asinado en planta", sinala a asociación.

Publicidade

Preme na imaxe para obter máis información.

“As urxencias colapsan máis porque non hai camas libres suficientes, entón os pacientes que teñen que ser ingresados pasan agardando pola cama e, como foi o caso do meu fillo. Pasou 48 horas agardando pola cama en Conxo e co traslado xa nin quero pensalo. Non había ambulancia para levalo ata que o pobre se cansou e pediu a alta voluntaria porque non aguantaba máis deitado nunha cadeira de brazos, con tanto ruído e co mal que estaba despois de ter sufrido un ictus fai 2 anos”.

Publicidade

Preme na imaxe se quere contactar connosco.

Sempre é importante denunciar este tipo de situacións e presentar as súas correspondentes reclamacións porque isto non pode pasar.