As inscricións estarán abertas ata o 29 de marzo
Laura Moure/Melide

O departamento de Cultura do Concello de Melide organiza para os días 3,4, 5 e 10 de abril,un completo programa de actividades dentro do programa Campamentos de Pascua, dirixido a nenos e nenas a partir de 4 anos.
Os pequenos realizarán diversas actividades: manualidades, xogos, experimentos, xincanas, contos, entre outras, tal e como informa o Concello.
Os campamentos levaranse a cabo no Edificio Multiusos, en horario de 9:00 a 14:00 horas. As inscricións poderanse realizar no Departamento de Cultura, no Consistorio, ata o vindeiro 29 de marzo ou ben a través da sede electrónica do Concello de Melide.
Os interesados poden descargar a folla de inscrición na seguinte ligazón: https://cutt.ly/74aeIut
Σχόλια