Melide acolle esta tarde un acto para abordar respostas e propostas aos retos da inflación e a crise

Está organizado por Recortes Cero e asistirán distintas forzas políticas

Ecos da Comarca/Melide

Melide acollerá esta tarde un acto, convocado por Recortes Cero, sobre "Respostas e propostas aos retos da inflación e a crise", as medidas de redistribución da riqueza que necesita a nosa comunidade, que terá lugar ás 20 horas no local de ASETEM (Rúa Lino Sánchez nº 2).

"Dada a gravedade da situación en canto a suba de precios e a inflación galopante que afecta ao 90% da poboación, pensamos que é necesaria a unidade de todas as forzas sociais e políticas para dar unha resposta a esta situación", indica a organización.

Ademais, sinala que se trata de "ir artellando unha resposta unitaria (plataforma...) pola redistribución a riqueza, onde a unidade esté baseada no respeto absoluto aos diferentes criterios, formas de pensar, formas de actuar das organizacións".

Preme na imaxe se quere contactar connosco.

Será unha mesa redonda coa participación das distintas organizacións sociais e políticas, seguido dun coloquio cos asistentes. Teñen confirmada a súa asistencia : Adiante Melide, BNG, Partido Galego, Podemos, PSOE, Sindicato Labrego Galego, USO, UCE, ASETEM, Rede de Consumo Rsponsable.