Melide abre o prazo de inscrición nas actividades deportivas, culturais e do centro social

Ofertanse máis dunha vintena, todas darán comezo o 2 de outubro e o prazo de inscrición empeza este luns

Laura Moure/Melide

O Concello de Melide retomará a actividade das Escolas Deportivas e Culturais o próximo 2 de outubro. O prazo para realizar a inscrición comezará este luns, día 12, e finalizará o 23 de setembro.

Así, o Concello ofrecerá para este curso máis dunha vintena de modalidades deportivas e culturais nas que tanto empadroados como non empradroados poderán participar para manter o seu corpo e mente activos durante os vindeiros meses.

Preme na imaxe se quere contactar connosco.

A inscrición poderá realizarse de xeito presencial nas dependencias do Concello de Melide ou a través da sede electrónica. Esta última opción é a máis recomendable para evitar aglomeracións na Casa Consistorial.

Dende as Concellarías de Cultura, Deportes e Política Social pretenden con esta variedade de posibilidades, tanto de actividades como de horarios, que toda a veciñanza poida participar.

TODA A INFORMACIÓN DAS DISTINTAS ACTIVIDADES NA IMAXE: