Medio Rural pon en valor a aposta de Daveiga pola innovación e transformación dos produtos agrarios

As instalacións desta empresa están situadas no concello lucense de Chantada, pero os seus propietarios son de Rodeiro

Ecos da Comarca/Rodeiro

A conselleira do Medio Rural, María José Gómez, acompañada por altos cargos do seu departamento, visitou onte as instalacións de Daveiga, situadas no concello lucense de Chantada e cuxos propietarios son de Rodeiro, no marco do Comité de seguimento rexional do Plan Estratéxico da PAC (Pepac).

Nesta visita, a conselleira salientou a aposta pola innovación e transformación desta empresa que elabora Galletas Mariñeiras, un produto no que foi pioneira á hora de introducila no mercado e a cal conta cun gran potencial de crecemento. Por iso, puxo

como exemplo a Daveiga da innovación dentro do sector agroalimentario pola que se

aposta desde o Goberno galego.

Publicidade

Preme na imaxe para obter máis información do evento.

María José Gómez sinalou que esta empresa é beneficiaria das axudas á transformación e

comercialización de produtos agrarios, que están cofinanciadas polo Fondo Europeo

Agrario de Desenvolvemento Rural (Feader), e a través das cales se lle concederon preto

de 1,5 millóns de euros desde 2015 para a posta en marcha de diferentes proxectos

encamiñados a consolidar a súa posición nos mercados.

Publicidade

Preme na imaxe se queres contactar connosco.

Deste xeito, financiouse, entre outros, a construción e posta en marcha dun novo obradoiro

industrial, así como adquisición de todo aquel equipamento necesario para desenvolver a

actividade industrial da empresa, co obxecto de incrementar a capacidade produtiva. A

maiores tamén se contribuíu á dotación dunha nova liña multiproduto de panadaría de

longa duración e adaptada á elaboración de produtos sen glute, así como a instalación de

máquinas na sección de envasado destas novas instalacións.