Os titulares das parcelas poderán presentar as alegacións que estimen oportunas a
este reparto de predios ata o vindeiro día 7 de marzo deste ano
Laura Moure/Lalín
Os veciños beneficiados pola parcelaria de Cercio (Lalín) coñeceron onte por primeira vez a proposta dos novos predios resultantes deste proceso, que abrangue unha superficie de algo máis de 483 hectáreas. Foi nunha xornada informativa celebrada no local social de Cercio con participación de técnicos da Consellería do Medio Rural e á que tamén asistiu o alcalde lalinense, José Crespo.
Esta concentración parcelaria interesa a un total de 270 propietarios. O número de parcelas de achega supera lixeiramente as 3.000 e os predios de substitución serán 630. O investimento realizado ata o de agora pola Xunta de Galicia nesta zona acada os
1.300.891 euros.
Neste caso, unha vez executada a rede de camiños principais, estase elaborando a nova
redistribución da propiedade que conformará o acordo de reestruturación parcelaria. Previamente haberá un prazo para a presentación de alegacións e, tralo seu estudo,
definirase o definitivo reparto coa aprobación do acordo.
Publicidade
Os interesados recibirán un aviso por correo postal e poderán presentar as súas alegacións ata o vindeiro día 7 de marzo do presente ano 2025. Durante este tempo
poderán consultar os planos na web da Consellería do Medio Rural, no local social de
Cercio e na Oficina de Infraestruturas Agrarias de Lalín, e estableceranse uns días de
atención ao publico presencial no devandito local social de Cercio que serán publicados
polas mesmas canles.
Comments