Medio cento de veciños do Pino percorren a cuarta etapa do Camiño Inglés

Ecos da Comarca/O Pino

Máis de medio cento de veciñas e veciños do Pino cubriron este pasado sábado, 31 de maio, a cuarta etapa do Camiño Inglés entre Montecelo (Parderne) e Santo Estevo de Cos (Abegondo). Durante a xornada, tiveron ocasión de desfrutar das fermosas paraxes da ría de Betanzos e repuxeron forzas no bar Carabel de Meangos.

O itinerario polo Camiño Inglés continuará en setembro no marco do programa Camiña e Descubre, organizado polo Concello do Pino para fomentar unha vida activa e saudable ao tempo que promove o coñecemento das distintas rutas a Santiago.

Publicidade

Preme na imaxe se queres contactar connosco.

Nesta oitava edición, o obxectivo é percorrer o Camiño Inglés en oito ou nove etapas, que se desenvolven o terceiro sábado de cada mes.