Medio cento de cruceños participou nunha andaina con motivo do Día da Actividade Física

Ecos da Comarca/Vila de Cruces

Medio cento de persoas participou este martes nunha andaina organizada polo Centro de Saúde de Vila de Cruces en colaboración co Concello. Fixeron 5 quilómetros en unha hora e media aproximadamente.

A gran maioría do grupo eran mulleres e había un par de octoxenarios que tamén completaron o percorrido no que tamén participaron as concelleiras Noemi Lois e Mireya Otero, ademais de persoal sanitario.

Publicidade

Preme na imaxe se queres contactar connosco.

A actividade, que se celebrou ao abeiro do Día Mundial da Actividade Física, contou co respaldo da Policía Local e o monitor do ximnasio municipal. Os supermercados locais Fernández Torres e Merca Más prestaron o avituallamento dos andadores, que chegaron felices e contentos.