María Rivas pon á empresa arzuá Galmesán como exemplo das oportunidades que ofrece o rural galego

A subdelegado do goberno visitou as súas instalacións este mércores

Laura Moure/Arzúa

A subdelegada do Goberno na Coruña, María Rivas, puxo Galmesán, empresa de Arzúa, como exemplo das oportunidades que ofrece o rural galego para xerar actividade económica sen renunciar á tradición. Fíxoo este mércores durante unha visita ás instalacións da empresa na que estivo acompañada do seu xerente, Carmela Cano, do alcalde de Arzúa, Xesús Carril, e da concelleira de Turismo e Promoción Económica, Begoña Balado.

María Rivas, que aproveitou para felicitar á empresa polo premio como mellor queixo de vaca curado de España en Gourmets 2025, que se suma á xa extensa lista de recoñecementos a nivel nacional e mundial ao seu bo facer, destacou “a impresionante traxectoria desta empresa familiar, que aínda non conta cos 10 anos de vida e que, por contra, xa é coñecida en máis de medio mundo”.

Publicidade

Preme na imaxe para obter máis información do evento.

A subdelegada destacou a aposta da firma “por facer alimentos de calidade sen renunciar as súas orixes e poñendo en valor a tradición”, así como por facer un produto diferenciado desde Arzúa, a capital do queixo de Galicia. “Nós, como Goberno, compartimos con Galmesán a filosofía de que se pode impulsar o desenvolvemento económico de Galicia desde o rural e distinguirnos con alimentos de calidade”, indicou Rivas, que apuntou que falar de tradición “non é renunciar a innovación”.

Publicidade

Preme na imaxe se queres contactar connosco.

“Galmesán apostou por facer algo diferente e atractivo, e se que conta co apoio da prestixiosa chef Lucía Freitas para seguir investigando en novos produtos cos que reducir a súa pegada ecolóxica, que é outro dos seus sinais de identidade”, indicou a subdelegada. Neste sentido, reiterou as súas felicitacións á empresa “polo seu excelente traballo e por esa aposta pola calidade das materias primas, polo respecto ao produto e tamén ao medio natural”. “Produtores e produtoras como vós sodes os que facedes de España o país máis rico do mundo, do que nunca nos imos a cansar de presumir”, concluíu.