María é o nome máis común na comarca Terra de Melide e de homes, Manuel e José

Laura Moure
10 dic 2023
1 Min. de lectura

María Carmen ou Carme son o segundo máis frecuente nesta zona e Jesús o terceiro máis típico para eles

Laura Moure/Terra de Melide

A localidade de Melide. Autor: Ecos da Comarca.

Hai unhas semanas sacamos cales son os nomes máis frecuentes da Comarca de Arzúa e da de Deza hoxe imos facer un percorrido polos catro concellos da Terra de Melide: Melide, Santiso, Sobrado dos Monxes e Toques, Rodeiro, Silleda e Vila de Cruces. Como diciamos, todo vai mudando co paso do tempo e onde tamén vemos cambios destacados son nos nomes dos bebés que están nacendo. Cada vez é menos común chamarlle aos nosos fillos María, Manuel, José, Carme, Jesús... e é máis habitual atoparnos nas escolas con nomes como Noa, Valentina, Daniela, Lia, Lucas, Leo, Liam, Xián... Segundo o Instituto Galego de Estatística (IGE) María é o nome máis común na comarca Terra de Melide ocupando o primeiro lugar en todos os concellos agás en Santiso que ocupa o segundo posto, sendo o primeiro María del Carmen. Mentres Manuel está en primeiro lugar en Melide e Sobrado e de segundo en Santiso e Toques, mentres que José é o nome máis común en Santiso e Toques. Pola contra, en Melide está no terceiro posto, quedando en segundo Jesús.