top of page

Manuel Cuiña: “Este será o mandato do rural grazas á aprobación do PXOM”

O candidato lembra que ca entrada en vigor do documento poderá volver a construirse vivendas nas parroquias, compensando o “éxodo dos últimos anos ás vilas precisamente por non poder construir vivendas"


Ecos da Comarca/Silleda

O candidato e actual alcalde de Silleda, Manuel Cuiña, advirte que o vindeiro mandato será tamén “o mandato do rural, grazas a aprobación do PXOM que permite construir de xeito ordenado vivendas nos 240 núcleos rurais que suman as 33 parroquias silledenses”.

Con esta medida, Cuiña advirte que se virá a compensar “o éxodo dos últimos anos de

moitas familias que optaron por trasladar a súa residencia ás dúas vilas por non poder construir vivendas unifamiliares no seu lugar de orixe”, engade.

Así mesmo, Cuiña resalta que despois de ter realizado o maior investimento da historia nas pistas do rural, no vindeiro mandato continuarase con este “esforzo inversor para seguir ca mellora integral das pistas”.


No tocante aos servizos, o equipo de Cuiña aposta tamén por continuar extendendo a rede da traída municipal de augas a novas localidades.

“Somos un concello eminentemente rural, e por iso tamén seguiremos en colaboración cas persoas propietarias apostando pola restruturación parcelaria nos montes, como xa fixemos en Abades, e por suposto asesorando ás persoas emprendedoras e continuando como ata agora colaborando co MITECO para seguir extendendo a fibra óptica que xa chegou ao 80% do noso territorio”, engade.

O plan de recuperación de fontes e lavadoiros públicos, xunto ca posta en valor doutro legado etnográfico, a mellora dos centros sociais das parroquias e da recollida selectiva de lixo, completan xunto con outras propostas as medidas para o rural.





0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page