top of page

Manuel Cuiña aposta por construir un complexo deportivo de pádel no recinto municipal de O Castro

A dotación da piscina climatizada, aproveitando as vantaxes e aforro da Rede de

Calor, de novo no programa dos socialistas silledense, xunto a novidades como un parque de calistenia nas Pedrosas ou a potenciación da Escola de Escalada de Ponte Taboada


Ecos da Comarca/Silleda

O candidato á Alcaldía e actual alcalde de Silleda, Manuel Cuiña, inclúe nas súas propostas para deportes a creación dun complexo deportivo de pádel no recinto municipal xa existente en O Castro.


Esta mellora, ca dotación de aseos, vestiarios, melloras na eficienica enerxética e

dixitalización das instalación de pádel actuais realizarase a través da liña de axudas que

ten previsto convocar o Consello Superior de Deportes. “Tendo en conta o seu elevado uso e que é necesario realizar melloras, apostaremos pola reforma integral destas instalación municipais”, indica Cuiña.

Tamén volve figurar no programa de Cuiña a construción da ansiada piscina climatizada, na parcela situada xunto á Rede de Calor, “unha das poucas iniciativas que nos quedou pendentes do programa anterior, xa que durante a pandemia houbo que priorizar e aparcar algún proxectos”, explica o candidato.

Entre as novidades figura tamén a dotación dunha zona de calistenia no parque da pedrosas, para implementar a práctica desta modalidade deportiva, ou a potenciación

da Escola de Escalada en Ponte Taboada, onde xa se realizaron melloras nos últimos

meses.

Tamén está previsto mellorar os pavillóns de Silleda e da Bandeira, renovando vestiarios, ao igual que no campo de Outeiriño.


Do mesmo xeito, a agrupación socialista tamén propón crear en estreita colaboración

cos clubs deportivos un plan de prevención da violencia no ámbito deportivo, cunha

guía de boas prácticas dende o enfoque dos dereitos da infancia.



0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page