top of page

Mañá arrinca a XXXII Semana da Música da Terra de Melide, que contará con 17 actuacións

O evento celébrase en lembranza de Javier Rodríguez Pampín, exalcalde de Melide finado o pasado mes de agosto, que foi presidente e membro activo da Coral Polifónica


Laura Moure/Melide

A Coral Polifónica, co patrocinio do Concello de Melide, organiza de novo a Semana da Música da Terra de Melide, que neste 2022 acada a súa trixésimo segunda edición. Un ano máis, o evento serve para promover e difundir a música da comarca. Seis días cheos de ritmo que dan un importante pulo a grupos e solistas melidaos e da comarca. Todas as actuacións terán lugar no Centro Sociocultural Mingos de Pita ás 20:30 horas do respectivo día. O evento celébrase en lembranza de Javier Rodríguez Pampín, exalcalde de Melide finado o pasado mes de agosto, que foi presidente e membro activo da Coral Polifónica.

As actividades arrincan mañá, venres 18, coas actuacións da Bandiña de Melide, Kase7e

e Cuarta Xusta. Posteriormente, o sábado 19, terán lugar as actuacións de Suso Ascariz,

da Charanga Os Amigos de Visantoña e Os Melidaos.


O domingo 20 actuarán a Banda-Escola de Música de Visantoña, a Coral Polifónica Vía

Sacra de Sobrado dos Monxes e a Asociación A Maristela, do mesmo municipio.

A seguinte fin de semana chega tamén cargada de boa música. O venres 25 actuarán Pozo Pequeno e os solistas Xoán Curros e Irene Ruíz. Ao día seguinte, sábado 26, ofrecerán o seu espectáculo Froito Novo, a Coral Polifónica de Santiso e Leirabuxo. Poñen o broche a unha semana para os melómanos e amantes da nosa cultura tradicional, o domingo 27, Herba Grileira e a Coral Polifónica de Melide.



0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page