top of page

Mª Carmen Mosquera López, a tataravoa de Palas de Rei de 98 anos

Hoxe, domingo 21 de xaneiro, está de aniversario


Laura Moure/Palas de Rei

Os nosos maiores deberían ser eternos. Debemos escoitalos e aprender da súa experiencia. Hoxe queremos falar de Mª Carmen Mosquera López de Palas de Rei. Hoxe, 21 de xaneiro, está de aniversario e fai nada máis e nada menos que 98 anos!!! Moitos parabéns!! "É tataravoa dende fai dous meses", comenta a súa nora Ángela Pérez.

Mª Carmen rodeada de parte da súa familia, entre ela a súa tataraneta.

Mª Carmen é natural do lugar de Xestrar, en Palas de Rei, localidade na que vive agora. É viúva e ten catro fillos, dúas mulleres e dous homes, e oito netos, un xa falecido. E xa ten cinco bisnetos e agora, unha tataraneta.


Publicidade


Tivo unha perruquería, a perruquería de María de Portos, porque así é como a coñecen a ela.


"A saúde a verdade, ten moita sorte, acompáñaa bastante. Si que ten algún problema de mobilidade porque ten mal a columna e precisa calmantes, pero polo demais, moi ben. A cabeza moi ben posta no seu sitio", cóntanos Ángela.


Publicidade


A súa nora tamén nos di como pasa o tempo a súa sogra. "O tempo pásalle malamente polos problemas de mobilidade. Levántase tarde, asease ela soa perfectamente, así a mañá faise máis curta. Nunca está soa. Pola mañá vén unha señora que a cuida e fai labores na casa e pola tarde, sempre está con algunha filla ou fillo, que cando o tempo acompaña, saen a dar un pequeno paseo pola acera sen alonxarse da casa. E pouco máis. As mans pola artrose non lle axudan a facer labores que tantas e tantas fixo para todos nós: gustáballe moito a calceta".


Publicidade

Estes son momentos que quedarán na memoria da familia de Mª Carmen, mentras ela segue sumando capítulos rodeada dos seus seres queridos.

0 comentarios

Kommentare


IRS.gif
Copia de ¡TU Anuncio!.gif
Ecos_da_Comarca_neg.png
bottom of page