Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Luis López anuncia a concesión dun plan de infraestruturas rurais para Rodeiro

O delegado territorial informa que o municipio de Camba recibirá máis de 48.000 euros para unha nova actuación viaria de pavimentación na contorna agrícola de Carboentes


Laura Moure/Rodeiro

O delegado territorial da Xunta en Pontevedra, Luis López, vén de anunciar a concesión dun Plan de Infraestruturas Rurais (PIR) ao Concello de Rodeiro por parte da Axencia Galega de Desenvolvemento Rural dotado con 47.398 euros e orientado á mellora de camiños de uso agrícola.


O representante autonómico informou desta nova achega por parte da Consellería do Medio Rural nunha visita de supervisión á vía principal do lugar da Torre, na parroquia de Guillar, que foi reformada de xeito integral ao abeiro do Plan Marco de mellora de acceso a

parcelas agrícolas cun investimento de 66.000 euros da Xunta de Galicia.


Luis López, que acudiu acompañado do alcalde de Rodeiro, Rubén Quintá, do xefe

territorial do Medio Rural, Antonio Crespo, e do edil José Manuel Fernández, revelou que a nova concesión do PIR a prol do municipio de Camba orientarase á mellora do firme na parroquia de Carboentes, que é a segunda máis poboada do municipio e conta cun forte peso agrogandeiro. Esta actuación xa está contratada e pendente de que se fixe a data de inicio.

Crespo, Quintá, López e Fernández durante a visita.

“É fundamental realizar un apoio constante aos concellos rurais para soster as súas

infraestruturas viarias, tal e como facemos todos os anos dende a Xunta, para mellorar a

mobilidade das súas aldeas e parroquias e facilitar os labores agrogandeiros que, no caso dun municipio como Rodeiro, son fundamentais e imprescindibles para a súa economía”,

explicou o representante autonómico, que salientou que a Xunta incrementou este ano as

dotacións dos plans Marco e PIR para este concello nun 21%.


Deste xeito, o Concello de Rodeiro ten recibido, ao longo do último lustro, 520.000 euros da Consellería do Medio Rural para o acondicionamento das súas vías municipais de carácter rural a través do citado Plan Marco de mellora de camiños municipais de acceso a parcelas agrícolas e do Plan de Infraestruturas Rurais.


Con estas achegas, favoreceuse a modernización de ata catorce pistas, moitas delas cun

importante tránsito agrogandeiro, pertencentes a máis dunha decena de parroquias ou

lugares do termo municipal, como A Ponte, Fornas, Barbeitos, O Carballo, Mourigás,

Padín, Vilameá, Lamademena, Suíme, Río, Vistuíde, Mamoelas, Calque ou Carboentes.