Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Luís López Diéguez: "Ser alcalde de Rodeiro durante estes dez anos foi unha honra"

"Tomar a decisión foi complicado, pero sei que a tomo con toda a responsabilidade sabendo que hai un equipo de persoas totalmente capaces lideradas por Rubén Quintá"

Luís López será o novo delegado da Xunta en Pontevedra


Laura Moure/Rodeiro

Luís López Diéguez presentou onte a súa renuncia como alcalde de Rodeiro ao ser elixido para ocupar o cargo de delegado da Xunta en Pontevedra. Hoxe, xoves, celebrarase un pleno no que se dará conta da súa renuncia como mandatario e como concelleiro. Está previsto para as 12:00 horas no centro cultural Manuel Lamazares. O sucesor de López será o actual edil de Obras, Rubén Perfecto Quintá Quintá, quen tamén é o presidente da Sociedade de Caza de Rodeiro. Ademais, pasará a formar parte do goberno María Dolores Simón Valladares, de 32 anos e diplomada en Dereito.


Comunicación de renuncia de Luís López Diéguez:


Hai xa dez anos que accedín á alcaldía do Concello de Rodeiro e en todo este tempo sempre intentei traballar de xeito comprometido por e para todos os veciños, escoitando as súas inquedanzas, aprendendo dos erros, pero sobre todo apostando por dar resposta ás necesidades e prioridades de todos e en todas as aldeas do concello. E sempre con feitos e realidades que conseguiron transformar o noso concello.


Ser alcalde de Rodeiro durante estes dez anos foi unha honra. Desde 2011, intentei servir o meu concello do xeito máis honesto e profesional, entregándome ás esixencias deste cargo. Pero non sería posible sen todas as persoas que me acompañaron neste camiño.

Quero agradecer de xeito especial o traballo dos concelleiros do goberno e o seu apoio ante esta decisión, pero tamén quero destacar o compromiso de todos os compañeiros que formaron parte do goberno municipal nos anteriores dous mandatos. Estou convencido de que continuarán servindo a Rodeiro coa mesma ilusión e traballo e convencido do seu éxito na xestión municipal.


De igual xeito, o meu recoñecemento ao resto da corporación municipal, concelleiros cos que tiven a oportunidade de trabllar ao longo destes anos anntepoñendo sempre os intereses dos veciños. E aos traballadores municipais, xa que a súa dedicación e implicación como servidores públicos é fundamental para a nosa xestión municipal.


E por suposto, o meu máis sincero agradecemento a toda a veciñanza de Rodeiro, que confiou en min para porme á fronte da alcaldía dez anos. Nunca esquecerei esta oportunidade e todo o apoio que recibín.


Tomar esta decisión foi complicado. Hai unha mestura de sentimentos, pero sei que a tomo con toda a responsabilidade. Sabendo que hai un equipo de persoas totalmente capaces e preparadas, lideradas por Rubén Quintá, para que a transformación de Rodeiro siga avanzando e contarán sempre co meu apoio e a miña disposición. Tanto eles como todos os veciños de Rodeiro.


Non esquezo a confianza e o apoio que recibín no meu concello durante estes dez anos é fundamental para que o goberno galego considerase o meu nomeamento como delegado da Xunta nesta provincia. Desde este novo cargo seguirei traballando, como sempre, de xeito comprometido por Rodeiro.

99 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE