Lorenzana avoga en Lalín a promover o talento e o liderado feminino como un factor de competividade empresarial

Asegura que Galicia precisa “talento directivo e empresas preparadas para competir

nun contorno cada vez máis exixente, máis tecnolóxico e máis cambiante”

Laura Moure/Lalín

A conselleira de Economía e Industria, María Jesús Lorenzana, avogou onte en Lalín por promover o talento e o liderado feminino por ser un factor de competitividade e de sustentabilidade económica. “A igualdade non é só unha cuestión de xustiza social, é algo que o empresariado ten que ver como necesario para o crecemento e o fortalecemento da propia empresa”, asegurou.

Na clausura do VIII Foro Empresarial Empresarias Galicia, Lorenzana sinalou que atraer e

reter talento feminino e que este se incorpore nas distintas capas da organización ata o liderado “é unha decisión estratéxica”. “Ten que ir máis alá das políticas formais de

igualdade”, recoñeceu.

 PUBLICIDADE

Preme para obter máis información.

Segundo dixo, no contexto actual, Galicia precisa “talento directivo e empresas preparadas para competir nun contorno cada vez máis exixente, máis tecnolóxico e máis cambiante”. “Agora as economías que resisten son as que producen, as que teñen base tecnolóxica, as que manteñen capacidade industrial propia”, abondou. “A competencia é brutal”. Así, defendeu que o papel das administracións debe ser o de acompañar. “Non substituír as empresas nas súas decisións, nin impoñer desde un despacho que sectores teñen futuro e cales non. E, desde logo, non converter os trámites en barreiras cando deberían ser solucións”, asegurou.

 PUBLICIDADE

Preme na imaxe e contacta con nós!

Nesta liña, indicou que a política económica e industrial da Xunta descansa sobre a enerxía e os recursos naturais; o acceso a solo industrial de xeito áxil, rápido e competitivo

dentro da aposta “sen precedentes” que está a facer o Goberno galego; e o acompañamento aos proxectos empresariais a Través da Oficina Económica de Galicia. “Xerar un boca a boca de que en Galicia existe unha Administración sólida, rápida e que

acompaña á empresa”, dixo.