Localizado sen vida José Ángel Reimóndez Vázquez, desaparecido en Silleda
- ecosdacomarca
- 3 ago
- 2 min de lectura
Ecos da Comarca/Silleda
A media mañá deste luns foi localizado sen vida José Ángel Reimóndez Vázquez, de 64 anos, veciño de San Miguel de Castro (A Estrada), pero que estaba na residencia da localidade de Silleda. Estaba en paradoiro descoñecido dende o pasado venres.
"Con moita tristura temos que comunicar que José Ángel Reimondez Vázquez foi localizado sen vida. Queremos trasladar o noso máis sentido pésame e todo o noso agarimo á súa familia, amizades e persoas achegadas nestes momentos tan difíciles.
Tamén queremos agradecer de corazón a todas as veciñas e veciños que colaboraron na procura, difundiron o aviso ou achegaron información. A vosa solidariedade e disposición para axudar volveron demostrar o mellor da nosa xente. Do mesmo xeito, queremos recoñecer o traballo realizado pola Garda Civil, a Policía Local de Silleda, a AXEGA e os voluntarios de Protección Civil de Lalín e Vila de Cruces, que participaron no operativo de busca con profesionalidade e entrega. Grazas a todas e a todos", sinalou o Concello de Silleda.
PUBLICIDADE
Foi onte domingo cando se deu a voz de alarma e se activou un dispositivo de busca.
PUBLICIDADE
As labores centráronse nos arredores da residencia. Pola tarde, participaron Protección Civil de Lalín e Vila de Cruces, Policía Local de Silleda e a Garda Civil, incluído o helicóptero da Garda Civil.
PUBLICIDADE
Despois sobre as 20 horas da tarde tamén se uniron á busca os drons de Axega, pero o resultado saldouse sen éxito.
PUBLICIDADE
Foi este luns, sobre ás 9 horas, cando se reanudou o dispositvo de busca. O corpo foi localizado a algo máis dun quilómetro da residencia de maiores, no propio termo municipal de Silleda.
NOTICIA RELACIONADA:
Buscan a José Ángel Reimóndez Vázquez, de 64 anos, residente en Silleda: https://www.ecosdacomarca.com/post/buscan-a-jos%C3%A9-%C3%A1ngel-reim%C3%B3ndez-v%C3%A1zquez-de-64-anos-residente-en-silleda
Comentarios