Lalín acolle hoxe a presentación do libro Imperialismo no século XXI do analista internacional Duarte Correa

A cita está organizada polo BNG deste municipio

Ecos da Comarca/Lalín

O profesor e analista internacional Duarte Correa Piñeiro vén de publicar Imperialismo no século XXI, un libro no que analiza as transformacións do imperialismo no contexto do capitalismo contemporáneo e da globalización económica, e que será presentado este venres 22 en Lalín.

A obra propón unha reflexión crítica sobre as relacións de poder que estruturaron historicamente o sistema económico internacional e que, segundo o autor, continúan

presentes hoxe baixo novas formas. O libro aborda cuestións como a reorganización das

cadeas globais de produción, a financiarización da economía ou a persistencia de

relacións de dependencia entre territorios.

Desde a perspectiva das relacións internacionais, o ensaio examina como o fenómeno

imperialista continúa condicionando a política global, nun contexto marcado pola

competencia entre grandes potencias, o control de recursos estratéxicos e a influencia

das grandes corporacións transnacionais e das institucións financeiras internacionais.

‘O imperialismo no século XXI’ analiza o papel da OTAN como instrumento dos

Estados Unidos para manter a súa hexemonía en declive, a autonomía estratéxica da

Unión Europea e o aumento do gasto militar, desvelando as verdadeiras intencións

detrás dos discursos vixentes. Ademais, desmonta mitos e amosa outras realidades

pouco visibilizadas, nas que países apostan por alianzas baseadas no diálogo e a

cooperación fronte á imposición, defendendo que a alternativa ao imperialismo reside

na defensa da soberanía dos pobos.

 PUBLICIDADE

Se queres obter máis información do evento preme na imaxe.

A presentación pública do libro terá lugar o venres, día 22, en Lalín, nun acto organizado

polo Bloque Nacionalista Galego de Lalín que se celebrará ás 20:30 horas no Museo

Municipal. No acto, o autor estará acompañado pola voceira municipal do BNG, Mari

Fernández Sanmartín.

Imperialismo no século XXI pretende contribuír ao debate sobre as desigualdades

globais e ofrecer ferramentas de análise para comprender os mecanismos de

acumulación e poder que operan na economía internacional.

 PUBLICIDADE

Preme para obter máis información.

Sobre o autor

Duarte Correa Piñeiro é profesor de Xeografía e Historia no IES Ramón Cabanillas de

Cambados, investigador e ensaísta. Colabora regularmente en publicacións galegas e

internacionais e participa como relator en seminarios e actividades formativas en

Europa e América Latina, centrando o seu traballo na análise das relacións

internacionais, as dinámicas xeopolíticas, a globalización e as relacións de dependencia

no sistema económico e político mundial.