Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Julio López inicia contactos coas asociacións cruceñas para informalas das melloras nas subvencións

Terán un incremento nas súas axudas e tamén para novas incorporacións deportivas


Laura Moure/Vila de Cruces

O tenente de alcalde de Vila de Cruces e responsable de Deportes, Julio López, mantivo estes días reunións con sectores cruciais do deporte do municipio, para informalos de primeira man das súas propostas para este 2021. É coñecedor que por causa de está pandemia que se está soportando xa fai máis dun ano houbo restricións en practicamente todos os sectores sendo o deporte un dos máis afectados, que ao longo de todo este ano non puideron realizar as súas actividades con normalidade, unha consecuencia que produciu que non haxa campionatos oficiais ou se os hai son moi reducidos en certos deportes.


Por este motivo Julio López quixo incrementar as axudas que o Concello estaba a dedicar

a este colectivo a través de subvencións. "Para iso elaborouse un borrador do orzamento,

un orzamento que xa fai máis dunha semana que ten a oposición para o seu estudo e

achega de ideas e deixar de traballar cun orzamento prorrogado que non estaba

adecuado á realidade", apunta.


Nas tomas de contacto os presidentes dos clubs agradeceron "a iniciativa do grupo de

goberno, coas subidas comprometidas, que alcanzan nalgúns casos máis do 30%, e

mesmo se incorporan novas axudas a novas modalidades de deporte, cunha soa

dificultade, que para poder executalas hai que aprobar os novos orzamentos do 2021,

porque eles están en minoría e ten que ser ratifado no pleno polo resto da corporación", espefica o concelleiro.


Para Julio López todos os deportes que se practican en Vila de Cruces son importantes, pero se ten que destacar un, "por suposto é o Club de Loita Keltoi, cun gran palmarés deportivo e co seu presidente Rubén Méndez Lois á cabeza déronlle grandes alegrías os últimos anos, levando o nome da vila por toda a xeografía nacional, e ¿que dicir do deporte rei en España? os equipos do SD. Cruces co que o seu presidente Santiago Caramés busca a excelencia da canteira cruceña". Julio López podería estar a enumerar todos os deportes que forman esta gran familia, pero garante que non se vai a esquecer de ningún, "debido a que o están pasando relativamente mal". Como novidade retómase e increméntase a axuda ao Club Ciclista Tolemia Bike e Julio López non descarta deixar algo de diñeiro por se no último minuto alguén se decidise a montar un Club de Pádel, agora que se pode gozar da recentemente estreada pista.


O alcalde Luís Taboada mira moi positivo este tipo de actuacións ao incrementar unhas axudas para mellorar a saúde do deporte en Vila de Cruces, debido a que lle outorga un gran valor ao que ao deporte refírese, como di Luís, "o deporte é unha fabrica de ambición por conseguir unhas metas a través do esforzo e a constancia, o mesmo

tempo que fomenta o compañeirismo e o traballo en equipo" algo que para o alcalde

Luís Taboada é crucial no día a día.

21 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE