Juan Ares Pérez gaña o sorteo 'Vai de Parroquias' de Silleda que consiste nunha viaxe a Canarias

Houbo 20 participantes

Laura Moure/Silleda

Juan Ares Pérez gaña o concurso Vai de Parroquias convocado este Nadal polo Concello de Silleda. O afortunado irase de viaxe ás illas Canarias.

O Concello de Silleda puxo en marcha esta nova iniciativa que tiña por obxectivo a dinamización do rural como protagonista.

Baixo o lema Vai de parroquias, propoñía ao público participante visitar as 33 localidades que conforman o municipio silledense, acreditando mediante fotografías cas árbores de Nadal, colocadas polo Concello, ao seu paso polas mesmas.

Todas as persoas que enviaran as 33 instantáneas e cubriran o formulario de inscrición entraban no sorteo dunha viaxe ás Illas Canarias para dúas persoas, a celebrar no primeiro trimestre de 2023.

NOTICIA RELACIONADA:

https://www.ecosdacomarca.com/amp/o-concello-de-silleda-pon-en-marcha-un-certame-para-co%C3%B1ecer-o-rural-co-sorteo-dunha-viaxe-a-canarias