Iván Picallo gaña o 1º Slalom de Rodeiro

No segundo posto quedou Borja Cotovad e de terceiro, David Franco

Ecos da Comarca/Rodeiro

O pasado sábado, 16 de agosto, Camba acolleu o 1ª Slalom de Rodeiro organizado pola Escudería Lalín-Deza. Houco case unha trintena de participantes. O piloto Iván Picallo, aos mandos do seu Citroën Saxo, levou a vitoria nesta competición, sexta proba puntuable para o Campionato de Galicia de Slalom 2025. Cabe mecionar que Picallo tamén gañou o Slalom de Antas de Ulla celebrado o pasado mes de xullo.

Un dos participantes no Slalom de Rodeiro. Autor: Ecos da Comarca.

Tal e como informou a escudería, a diferenza foi mínima: tan só 136 milésimas separárono de Borja Cotovad, que co seu vistoso Ford Escort MK2 quedou ás portas do triunfo.

O terceiro banzo do podio foi para David Franco, tamén cun Citroën Saxo VTS, que finalizou a pouco máis de dous segundos do vencedor. O cuarto posto ocupouno José Luis López cun Citroën AX, seguido por Francisco Rodríguez (BMW E36), completando o “top 5”.

Publicidade

Preme na imaxe para obter máis información do evento.

En sexta posición clasificouse Anxo Lariño (Citroën Saxo VTS), sétimo foi Diego Gómez (BMW 325), mentres que Aitor Coto (Citroën Saxo VTS) finalizou oitavo. Pechando o “top 10”, Bruno Fernández (Peugeot 206 GTI) foi noveno e Fabio García (Peugeot 306 GTI) décimo.

Publicidade

Preme na imaxe para obter máis información do evento.

"A igualdade foi a nota dominante, especialmente na loita polas primeiras posicións, nunha proba que se inaugurou con gran éxito no Campionato Galego de Slalom", resalta a organización. PUBLICAREMOS VÍDEO