Innovación, diferenciación e márketing de influencia, as estratexias a debate no curso celebrado na EFA Piñeiral

Laura Moure/Arzúa

A segunda das xornadas da acción formativa “Tendencias en Agromárketing”, promovida pola Fundación Juana de Vega e a Rede Eusumo tivo lugar o pasado venres no centro de formación profesional e promoción rural Efa Piñeiral (Arzúa). Estudantes de comercio, márketing e industrias alimentarias así como produtores agroalimentarios puideron

coñecer as claves da relación entre marcas e influencers grazas a Alba Mouriño e Rita Bello, da axencia Las Dos Somos Comunicación. A sesión tamén contou coa participación e testemuño do autor da web e canais sociais “Elhambreconlasganasdebeber”, quen esclareceu cómo se traballan as estratexias de influencia coas marcas.

Os asistentes á xornada traballlaron nunha dinámica de selección de  influencers  para as iniciativas empresariais presentes como colofón da actividade.

A traxectoria das cooperativas Milhulloa, Asociación Raíña Paraíso, Queixo Campo Capela e Ericamel protagonizaron a mesa redonda moderada por Beatriz Suárez, directora de desenvolvemento rural da Fundación Juana de Vega. Neste debate quedaron de manifesto os retos na innovación e márketing da empresa de economía social do sector.

Publicidade

Preme na imaxe para obter máis información!

A visita ás instalacións de Milhulloa Cooperativa en Palas de Rei sirveu como colofón ás xornadas nas que quedou de manifesto a necesidade da “investigación comercial, segmentación, innovación e diferenciación como pedra angular do éxito das iniciativas empresarias agroalimentarias”.

Na xornada do xoves o programa do curso contemplou as sesión a cargo de José Manuel Suárez da empresa consultora  IuniStrategics, do profesor da USC e CEO de Pe Márketing José Ramón Porto e de Luis Feijoo, responsable de El Fotogastro.

Publicidade

Preme na imaxe se queres contactar connosco.

“A Efa Piñeiral ten a misión de servir como centro catalizador capaz de favorecer a formación, o contacto e coñecemento de estratexias e iniciativas. Neste curso quedou patente non só o músculo do que goza o noso sector alimentario, senón tamén das posibilidades de mellora do mesmo coa axeitada elección de estratexias de márketing”, afirma Raquel Carregal, directora da Efa Piñeiral.