Ingresan no cárcere de Monterroso os futbolistas do club da Arandina condenados por agresión sexual

Ecos da Comarca/Monterroso

O cárcere de Monterroso. Autor: Ecos da Comarca.

Os que foron xogadores do club de fútbol da Arandina (Aranda del Duero) condenados por agresión sexual ingresaron a pasada semana, o 21 de abril, no cárcere de Monterroso. Carlos Cuadrado e Víctor Rodríguez foron condenados a nove anos por agredir sexualmente a unha menor de 15 anos no ano 2017.

Nun primeiro momento, foron condenados a 38 anos pola Audiencia provincial de Burgos sen embargo, presentou un recurso que levou o caso ao Tribunal Superior de Justicia de Castilla y León onde se rebaixou de maneira significante a pena quedando en catro anos no caso de Carlos Cuadrado e a tres no de Víctor Rodríguez entendendo que se trataba dun caso de abuso sexual e non de agresión sexual. Pola súa contra, o máis novo deles, Raúl Calvo, quedou absuelto por entender que ambos tiñan idades próximas e un grao de madurez similar.

Preme na imaxe se queres contactar connosco!

Finalmente, unha vez levado ao Tribunal Supremo por parte da Fiscalía, esa pena saumento aos dous sumando cinco anos o que ascende a un total de nove anos de prisión para cada un.

Ao tratarse dun ingreso voluntario, ambos puideron escoller o cárcere e decantáronse pola de Monterroso. Barallaran cárceres de Valladolid e Burgos, pero finalmente elixiron a da comarca da Ulloa.