Impartirase en Touro o curso Cidadás, dirixido á mulleres coidadoras do medio rural

É gratuíto, pero é necesario inscribirse e o prazo para facelo remata o 27 deste mes

Laura Moure/Touro

O Concello de Touro informa do Curso Cidadás, dirixido á mulleres coidadoras do medio rural. Está aberto o período de inscrición que será impartido neste concello polo Servizo de Apoio Integral a Coidadoras no medio rural de Fundación Mujeres, financiado pola Deputación da Coruña.

Trátase de dar apoio a aquelas mulleres que se atopen coidando, ou coidasen ao longo da súa vida, a persoas con diversidade funcional, principalmente. O período de inscrición empezou o día 6 e remtará o 27 deste mes, cunha entrevista persoal ese mesmo día. O curso será os martes dende o 1 de outubro ao 19 de novembro de 10:30 a 12:30 horas na Casa da Cultura. E é totalmente gratuíto.

Publicidade

Preme na imaxe para obter máis información.

As interesadas en participar deben anotarse a través dos seguintes teléfonos: 981 504 029 ext. 2010 ou 651 785 212, ou ben por correo electrónico: saicgalicia@fundacionmujeres.es

Publicidade

Preme na imaxe para obter máis información.

Contido do Curso (8 sesións entrevista coa formador):

• Saúde e autocoidado.

• Relaxación.

• Uso do móbil.

• Corresponsabilidade.

• Stand Up contra ou acoso na rúa.