Hoxe partiu á zona afectada pola DANA un camión cas aportacións recollidas en Silleda, Lalín e Rodeiro

Seguindo a recomendación da Fegamp e doutras institucións, supendese ata novo aviso a recollida e recoméndase só facer aportacións económicas

Laura Moure/Silleda

En relación ao envio de material de primeira necesidade e produtos alimentarios á Comunidade Valenciana, dende o Concello de Silleda comunícase que no día de hoxe, martes 5 de novembro, partiu cara a zona afectada pola DANA, un camión cas aportacións recollidas nas últimas horas, xunto cos concellos de Lalín e de Rodeiro. Seguindo a recomendación da Fegamp e doutras institucións da comunidade valenciá, supendese ata novo aviso a recollida, recomendándose a todas as persoas que queiran colaborar facelo a través de aportacións económicas.

Dende o Concello de Silleda agradécese toda a colaboración prestada, tanto pola veciñanza, como polas empresas e entidades. Así mesmo, destácase a implicación do tecido asociativo que respondeu dunha forma masiva á convocatoria celebrada onte luns no salón de actos, e que tamén contou cos representantes de todos os grupos da Corporación.

Publicidade

Preme na imaxe se queres contactar connosco.

Nesta xuntanza explicouse a situación nas iniciativas de axuda, e a disposición do Concello de Silleda para realizar, no caso de ser precisas, novas campañas de recollida, recomendando sempre centralizar actuacións a fin de facilitar despois a distribución do material.

Actividades solidarias

No encontro cas asociacións tamén se abordou a celebración de actividades cun carácter solidario en favor das vítimas da DANA, cuestión que se abordará nas vindeiras semanas nun novo encontro cos colectivos para perfilar actuacións xa máis concretas.