Hoxe celébrase a Romaría Viva de Santiso
Incluirá unha andaina, unha sesión vermú con regueifa, unha mesa informativa e verbena
Ecos da Comarca/Santiso
Hoxe, sábado 9 de novembro, en Visantoña (Santiso), o colectivo Santiso Vivo da Plataforma Ulloa Viva organiza a “Romaría Viva de Santiso” que se celebrará no pavillón multiusos de Visantoña.
A xornada comezará ás 11 horas cunha andaina (11:00 horas) de 8 quilómetros desde Visantoña ao encoro de Portodemouros, haberá unha sesión vermú con regueifa coa participación de Lupe Blanco, Josinho da Teixeira e Manolo Maseda e xantar.
Publicidade
Pola tarde ás 20 horas haberá unha mesa informativa (20:00 horas) na que participarán o xeógrafo Horacio García (coautor dun dos informes sobre o Proxecto Gama elaborado polo Consello da Cultura Galega) e Marta Gontá, presidenta da Plataforma Ulloa Viva. A xornada rematará cunha verbena a cargo de Loita Amada e Tiruleque.
Comentarios