Gontá prepárase para tres días de festa na honra á Virxe da Saúde

Ecos da Comarca/Palas de Rei

A parroquia de Gontá, en Palas de Rei, xa ten todo preparado para celebrar, os vindeiros 4, 5 e 6 de setembro, as súas festas na honra á Virxe da Saúde, cun programa que combina actos relixiosos, música, baile e actividades para toda a familia. O programa tamén figura recollido na axenda festiva de 2026.

A celebración arrancará o venres 4 de setembro cunha gran verbena na que actuarán Lidia Sueiro, o Grupo Mar de Arousa e DJ Patakiña, encargados de poñer música á primeira noite das festas.

O sábado 5, a xornada comezará ás 13:00 horas coa misa solemne e a posterior procesión. A continuación terá lugar a sesión vermú coa Banda de Música de Antas de Ulla e DJ Patakiña.

Pola noite, a festa continuará cunha nova verbena protagonizada polo Grupo Elebé 2.0 e DJ Patakiña.

 PUBLICIDADE

Preme na imaxe para obter máis información deste evento.

O domingo 6 de setembro, os actos relixiosos volverán ocupar o protagonismo a partir das 13:00 horas, coa misa solemne e procesión. Despois será a quenda da sesión vermú co Grupo de Gaitas e o Dúo Os Trasnos.

Xa pola tarde, desde as 18:00 horas, haberá un tardeo musical a cargo de Os Trasnos, nunha xornada pensada tamén para desfrutar en familia. Os máis pequenos terán á súa disposición inchables gratuítos.

 PUBLICIDADE

Preme na imaxe para contactar connosco.

Deste xeito, Gontá prepara tres días de celebración, tradición e música para despedir o verán e reunir veciños e visitantes arredor das festas da Virxe da Saúde.