Falece un motorista nunha saída de vía en Teo

Ecos da Comarca/Xeral

Un motorista faleceu este martes en Teo tal e como informa o 112 Galicia. Un condutor alertou do accidente ao 112 Galicia pouco antes de cumprirse as 13:00 horas. Segundo indicou, un motorista quedou inconsciente ao saírse da vía cando o adiantou.

Decontado, os xestores do 112 Galicia pasaron o aviso ao Servizo de Urxencias Sanitarias de Galicia-061, que mobilizou o helicóptero medicalizado con base en Santiago ata Santa María de Luou, onde tivo lugar o accidente.

Publicidade

Preme na imaxe se queres saber máis deste evento.

Tamén foron informados do suceso os Bombeiros de Santiago, GES de Padrón, Garda Civil de Tráfico, Policía Local e o Servizo Municipal de Protección Civil de Teo.

Publicidade

Preme na imaxe se quere contactar connosco.

Trala súa chegada, as urxencias sanitarias trataron de reanimar ao motorista pero só puideron confirmar o seu falecemento.