top of page

Falece o exalcalde de Arzúa Manuel Moscoso López

Desde a Alcaldía informan de que, en sinal de recoñecemento, procederase á colocación dun crespón negro na bandeira galega da fachada do Concello, entre outras accións


Ecos da Comarca/Arzúa

O alcalde do Concello de Arzúa, Xoán Xesús Carril, en representación da Corporación Municipal e das traballadoras e traballadores do Concello de Arzúa traslada o máximo respecto institucional e as súas máis sinceras condolencias á familia e amizades do exalcalde Manuel Moscoso López, ante o seu falecemento.


Publicidade

Desde a Alcaldía informan de que, en sinal de recoñecemento, procederase á colocación dun crespón negro na bandeira galega que preside a fachada do Concello, a colocación dunha esquela na súa lembranza e gardarase un minuto de silencio na súa memoria ao comezo do Pleno que terá lugar mañá, mércores 19 de xullo, ás 20 horas.

Moscoso naceu en Arzúa o 21 de setembro de 1947. Nas eleccións municipais de 1987 encabezou a candidatura do PPdeG e foi elixido concelleiro, tal e como recolle a Wikipedia. Logo da renuncia do alcalde Jesús García Vázquez por motivos profesionais en xaneiro de 1989 foi elixido alcalde de Arzúa. Nas municipais de 1991 volveu encabezar a candidatura do PPdeG e foi elixido alcalde con maioría absoluta. Continuou no cargo ata 2003 sempre con maioría absoluta.



0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page