top of page

Evacuado en helicóptero tras quedar atrapado debaixo dun tractor en Silleda

Ecos da Comarca/Silleda

O condutor dun tractor necesitou a axuda dos equipos de emerxencias tras sufrir un accidente e rematar atrapado debaixo do vehículo nunha leira no lugar de Augacai, no concello de Silleda.

Segundo a información facilitada ao 112 Galicia, os Bombeiros do Deza tiveron que empregar o material de excarceración para liberar o ferido, que foi trasladado ata o centro hospitalario de referencia a bordo do helicóptero medicalizado con base en Santiago.


Todo ocorreu moi preto das tres horas da tarde de hoxe cando un familiar do tractorista chamou ao 112 para solicitar axuda para un varón, veciño da parroquia de Dornelas, que quedou atrapado mentres manexaba o vehículo agrícola.

Nada máis ter constancia dos feitos, os xestores do 112 puxeron a situación en coñecemento dos profesionais de Urxencias Sanitarias de Galicia-061, dos Bombeiros do Deza e dos axentes da Garda Civil e da Policía Local.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page