Este venres, día 23, acaba o prazo para alegar contra o Parque Eólico Cima de Vila

A Plataforma de Afectadas/os Eólicos Vila de Cruces lembra os establecementos de Cruces, Silleda e Arzúa nos que se pode aínda asinar

Ecos da Comarca/Deza

Este venres 23 remata o prazo para alegar contra o Parque Eólico Cima de Vila ( Agolada), tal e como lembra a Plataforma de Afectadas/os Eólicos Vila de Cruces, porque a Liña de Alta Tensión (LAT) deste parque tamén afecta ao concello cruceño.

Esta plataforma informa que aínda se pode asinar contra este proxecto. Ao mesmo tempo, tamén están en proceso as alegación para a revisión da DIA de Mesada.

Recollida de sinaturas na feira do pasado día 17 en Vila de Cruces.

Os interesados poden asinar nos seguintes establecementos:

Vila de Cruces: - Bar Galicia - A Rotonda - Peluquería Bety - Óptica Calveiro

Merza (Vila de Cruces): - Librería Susana - Pub Sailor - Bar Rufino

A Bandeira (Silleda): - Ternatur

Carbia (Vila de Cruces): - Estanco

Silleda: - Mamasunción

Arzúa: - Covirán