top of page

Especialistas en Misión Imposible, trío de pilotos e sete vehículos nun show de motor con moitaa drenalina para Abanca Semana Verde 2024

O vindeiro martes prantaranse exemplares en centros educativos, con especies autóctonas elixidas polos alumnos e alumnas


Laura Moure/Silleda

A 46ª Feira Internacional Abanca Semana Verde de Galicia, a cal terá lugar do 30 de maio ao 2 de xuño en Silleda, volve superarse nos seus xa habituais shows de motor durante a fin de semana da feira. Nesta ocasión o seu programa incluirá un novo espectáculo que, por primeira vez, estará integrado por un trío de pilotos que ademais manexará sete vehículos diferentes.

Autor: Edu Rodríguez Stuntrider

Así, formarán parte do show Juanan del Fresno, campión en competicións mundiais de acrobacias en moto Stunt e especialista de cinema en moto da película Misión Imposible 7 de Tom Cruise, e Edu Rodríguez, campión europeo de acrobacias en moto Stunt no ano 2015, tamén especialista de cinema en películas como Misión Imposible 7, e dobre de acción para Bollywood (a principal industria de cinema da India).


Publicidade

Tamén integrará o espectáculo Meri Bernal, a única muller española que realiza espectáculos acrobáticos con motos de alta cilindrada.


No seu espectáculo, moi dinámico e cargado de adrenalina, realizarán vistosas acrobacias e trucos cunha ampla frota de vehículos, composta por cinco motos, un quad e unha Harley Davidson.


Publicidade

O público da feira Abanca Semana Verde 2024 poderá gozar de dous pases o sábado 1 de xuño, ás 13:00 e ás 18:00 horas.


Outras exhibicións de motor

A feira contará ademais con outro espectáculo de motor a cargo do piloto Ángel Campos, quen xa participou neste certame en varias ocasións con gran éxito e volverá mostrar as súas acrobacias coreografiadas. As súas exhibicións de motociclismo stunt están programadas para o domingo 2 de xuño ás 13:30 e ás17:30h horas.

0 comentarios

Comentários


IRS.gif
Copia de ¡TU Anuncio!.gif
Ecos_da_Comarca_neg.png
bottom of page