Equina Galicia revalida as súas tres estrelas e celebrarase coa máxima categoría de competición do 26 ao 28 de xullo en Silleda

Contará con outras actividades, entre elas as centradas en doma clásica ou os espectáculos a cabalo

Laura Moure/Silleda

Equina Galicia celebrará a súa décima edición do 26 ao 28 de xullo. Será de novo no recinto Feira Internacional de Galicia ABANCA (Silleda), onde o ring se converterá en escenario de importantes competicións nas que participarán destacados exemplares das mellores ganderías nacionais e tamén doutros países. Organizado pola Asociación de Criadores de Cabalos Españois de Galicia (ACCEGA) coa colaboración da Fundación Semana Verde de Galicia, este evento terá como eixo principal o X Campionato de España Pura Raza Española-ANCCE de Galicia, o cal volveu a conseguir para esta edición a categoría tres estrelas.

Publicidade

Preme na imaxe para obter máis información!

Por terceiro ano consecutivo a Real Asociación Nacional de Criadores de Caballos de Pura Raza Española (ANCCE) concedeulle de novo o máximo nivel neste tipo de competicións, pola súa excelente evolución e o esforzo na súa organización, ademais

de valorar novamente as infraestruturas destinadas ao concurso no recinto Feira

Internacional de Galicia ABANCA.

Esta proba, que se levará a cabo durante os tres días de Equina, será clasificatoria

para a final do Campionato do Mundo, a cal se celebrará en Sevilla do 19 ao 24 de

novembro, no marco do Salón Internacional de Pura Raza Española (SICAB).

Publicidade

Preme na imaxe se queres contactar connosco.

Doma e espectáculos

Ademais do concurso morfofuncional, esta cita ecuestre comeza a preparar outras

competicións xa consolidadas no calendario ecuestre nacional, como son a XXV Copa

Accega, o Territorial e o VI Trofeo Xunta de Galicia – Medio Rural de Doma Clásica.

Ademais, incluiranse outras competicións e actividades que a organización pechará

nos próximos meses, entre elas espectáculos ecuestres.