Ecos da Comarca/Arzúa
Este mediodía produciuse un aparatoso accidente no municipio de Arzúa. O 112 Galicia recibiu a chamada dun particular ás 12:35 horas. No sinistro viuse implicado un tráiler que portaba bobinas de cartón e acabou envorcando, tal e como informa o 112 Galicia.
O suceso tivo lugar na N-547, no quilómeto 56, en Figueiroa, ao pasar a Castañeda. O vehículo deixou un vertido de gasóleo na zona e foi necesario cortar un carril de circulación.
Foron mobilizados os axentes da Garda Civil, a Policía Local, Protección Civil e o Servizo de Mantemento de Estradas.
Por sorte, o accidente saldouse sen feridos.
Comments