Emecla fai unha nova etapa do Camiño de Inverno e chega a Rodeiro

Laura Moure/Rodeiro

A Asociación Emecla da parroquia rodeirense de Álceme fixo este domingo unha nova etapa do Camiño de Santiago, en concreto, están facendo o Camiño de Inverno. E desta volta, chegaron ata o seu municipio.

Acompañounos durante toda a etapa Alberte Lamazares, tenente de alcalde, e o mandatario José Luis Camiñas recibiu ao grupo diante do Concello de Camba. Ambos entregaron a cada peregrino un pequeno agasallo. Ademais puxeron en valor o labor deste colectivo. "Queremos agradecerlles públicamente o recoñecemento do labor social e cultural que leva a cabo esta asociación así como o compromiso de traballar pola promoción do Camiño de Inverno que como todos sabemos é un motor cultural, social e económico importante para o noso Concello".

Publicidade

Preme na imaxe para contactar con nós.

"Agora descansaremos ata o 1 de setembro, cando retomaremos o Camiño ata Finisterre xunto con outras actividades previstas", adianta Inés Carballo, presidenta do colectivo.

NOTICIAS RELACIONADAS:

• A asociación Emecla de Rodeiro lánzase ao Camiño de Inverno: https://www.ecosdacomarca.com/post/a-asociaci%C3%B3n-emecla-de-rodeiro-l%C3%A1nzase-ao-cami%C3%B1o-de-inverno

• A Asociación Emecla de Rodeiro fai a etapa do Camiño dende A Rúa ata Quiroga: https://www.ecosdacomarca.com/post/a-asociaci%C3%B3n-emecla-de-rodeiro-fai-a-etapa-do-cami%C3%B1o-dende-a-r%C3%BAa-ata-quiroga