Duro Rally da Coruña para César Garabatos e Santiago Nieto

A parella do Citroën C3 N5 non puido completar a primeira cita da tempada a causa dunha saída de pista no tramo de Cerceda

Ecos da Comarca/Touro

A tempada 2022 non empezou como se esperaba para o equipo formado por César Garabatos, veciño de Touro, e Santigo Nieto. A pesar de que as expectativas eran grandes, unha avaría no turbo no terceiro tramo, atrasaba moito aos do Citroën C3 N5. Tras reparar e marcar un bo crono na segunda pasada por Aranga, todo truncábase tras o paso polas asistencias, na primeira pasada polo tramo de Cerceda. Nunha curva de esquerdas, Garabatos saíase longo, quedando o C3 na cuneta, supoñendo desta forma o abandono na primeira proba do ano, a do Rally da Coruña.

“Quizais corremos de máis cando non tocaba, pero levámonos un garro de auga fría pola mañá, cando o coche comezou a fallar, despois de revisalo desde cero. Toca facer borrón e conta nova, quedarnos co positivo, e tentar seguir mellorando os nosos cronos en vindeiras carreiras”.

A seguinte cita para Garabatos será no Campionato Galego de Rally Mix, na Estrada, a principios do mes de abril. Nesta ocasión estará acompañado por María González, a súa copilota dentro deste certame.

NOTICIA RELACIONADA:

• https://www.ecosdacomarca.com/post/o-veci%C3%B1o-de-touro-c%C3%A9sar-garabatos-inaugura-a-s%C3%BAa-tempada-no-rallye-da-coru%C3%B1a