Dous varóns detidos como presuntos autores de roubos en casas de Melide, Bergondo Oleiros, Sada, Carballo e Miño

Estaban afincados en Madrid, desde onde se desprazaban para cometer os ilícitos na provincia de A Coruña

Ecos da Comarca/Melide

O Equipo de Patrimonio da Unidade Orgánica (UOPJ) da Garda Civil da Coruña en colaboración co Posto da Garda Civil de Becerreá, detivo a dous homes como presuntos autores de numerosos delitos de roubo con forza no interior de vivendas habitadas na provincia da Coruña, na fase de explotación da operación Meteorito. A mencionada operación iniciouse tras detectar un incremento no roubo de vivendas habitadas na provincia.

Efectos que aínda non foron reclamados polos seus donos.

Como froito da análise da información solicitada, os compoñentes da Garda Civil lograron a identificación dun grupo criminal dedicado á devandita actividade delituosa, os cales se desprazaban desde Madrid en vehículos de alugueiro, co obxectivo de dificultar o labor dos investigadores, percorrendo a provincia da Coruña para a comisión dos ilícitos.

Como froito do traballo de campo realizado, os compoñentes do Equipo de Patrimonio constataron que os feitos investigados seguían un patrón común. Os roubos realizábanse a modo de campañas na que o grupo criminal desprazábanse a esta provincia, levando a cabo un número considerable de roubos con forza en vivendas, nun lapso limitado de tempo. Aproveitábanse da ausencia de moradores, destacando o coidado empregado para deixar o menor rastro posible.

Publicidade

Preme na imaxe se queres saber máis desta empresa.

Este grupo criminal centraba a súa atención sobre chalés e vivendas unifamiliares situadas en zonas illadas, sendo posible vinculalos directamente a 6 roubos con forza nas localidades de Melide, Bergondo Oleiros, Sada, Carballo e Miño, aínda que a investigación continúa aberta ante a sospeita da súa vinculación con máis ilícitos da mesma índole.

 Froito do complexo labor de investigación realizada, os efectivos actuantes pescudaron o envío dun paquete que supostamente contiña roupa e comida, entre as cales ocultaran gran cantidade de xoias, reloxos e outros efectos de valor, procedendo a intervir o mesmo e recuperar os efectos que contiña, provenientes dos 6 domicilios antes mencionados. No transcurso da operación os compoñentes do Equipo de Patrimonio constataron que os detidos pretendían abandonar a provincia de maneira inminente, solicitando a colaboración de Unidades da Comandancia da Garda Civil de Lugo, sendo detido o vehículo en Becerreá pola patrulla de seguridade cidadá do Posto desa localidade.

Publicidade

Preme na imaxe se quere contactar connosco.

Unha vez detido o vehículo, procedeuse ao seu rexistro, achando no interior diversos obxectos de gran valor, tamén froito dos roubos realizados, entre os que se atopaban reloxos de alta gama, pendentes e outras xoias de ouro. A Garda Civil detivo a estes dous homes como presuntos autores de 6 delitos de roubo con forza en vivendas e incauto os efectos achados, restituíndo a maioría aos seus lexítimos donos.

Os detidos foron postos ao dispor do Xulgado de Instrución de Becerreá, decretando a Autoridade Xudicial o seu ingreso en Centro Penal, sendo posto un deles ao dispor do Xulgado de Instrución Central nº1 ao constarlle en vigor unha Orde Europea de Detención e Entrega dimanante de Romanía por ilícitos da mesma índole.

A Garda Civil da Coruña solicita a colaboración cidadá para a restitución dos obxectos non reclamados polos seus propietarios, quen se poderá poñer en contacto co Equipo de Patrimonio a través do correo electrónico c-cmd-coruna-pj-patrimonio@guardiacivil.org ou través do teléfono 981 167 800 Ext. 1510354 ante a sospeita de que sexan froito doutros roubos non detectados.