Dous feridos tras un accidente en Silleda no que se viron implicados dous vehículos

Os dous vehículos involucrados no accidente de Silleda.

Autor: Bombeiros de Silleda

Laura Moure/Silleda

A N-525 en Negreiros, Silleda, (xunto a Desguaces Rolán) rexistrou esta tarde un accidente de tráfico no que se viron implicados dous vehículos: un Renault 5 e un Seat Córdoba. O 112 foi alertado pasados uns minutos das oito da tarde.

Ambos condutores resultaron feridos e foron trasladados ao hospital. No lugar estiveron presentes os bombeiros do Parque Intercomarcal de Silleda, o 061 e axentes da Garda Civil de Tráfico.