Detido un pintor de Arzúa como presunto autor de catro delitos de furto de xoias e diñeiro
- ecosdacomarca
- 29 jul
- 2 min de lectura
Ecos da Comarca/Arzúa
Efectivos da Garda Civil de Sanxenxo, procederon nas últimas horas á detención dun veciño de Arzúa de 37 anos, con antecedentes policiais por feitos similares, como presunto autor de catro delitos de furto de xoias e diñeiro en varios inmobles das localidades do Grove e Sanxenxo.
Nas denuncias formuladas polos prexudicados, o detido era contratado nas devanditas vivendas para realizar traballos de pintura no seu interior. Aproveitando a ausencia dos seus moradores, este dedicábase a buscar polas estancias das mesmas, apoderándose das xoias e diñeiro que atopaba ao seu paso.
PUBLICIDADE
Cando os propietarios revisaban os seus xoieiros, notaban que lles faltaban xoias e nalgún caso incluso diñeiro das huchas dos seus fillos. As pescudas realizadas polo Equipo de Investigación de Sanxenxo permitiron determinar que o sospeitoso aproveitaba os momentos nos que se atopaba só no interior das vivendas para subtraer pezas de xoiería de pequeno tamaño e alto valor, dificultando así que as vítimas advertisen de inmediato a súa desaparición.
PUBLICIDADE
Preme na imaxe para obter máis información do evento.
A liña de investigación conseguiu identificar ao presunto autor do feito, o denominador común era que estivera traballando como asalariado en todas as vivendas asaltadas e que o mesmo realizaría a venda de gran parte das xoias subtraídas en tendas de compra de ouro en Vilagarcía de Arousa, Santiago de Compostela e Sanxenxo cun valor superior aos 9.500 euros. Recuperáronse algunhas e o resto foron recoñecidas polos seus propietarios grazas a a documentación obrante en poder do establecemento e rexistros policiais.
PUBLICIDADE
As dilixencias instruídas foron remitidas ao Tribunal de Instancia Sección Civil e de Instrución Praza de garda de Cambados, onde deberá comparecer o presunto autor dos feitos cando sexa citado para iso.
Comentarios