Despois de 21 días, atopan a Heiko, o can perdido en Monterroso

Laura Moure/A Ulloa

Despois de 21 días, a familia de Heiko pode respirar e brindar porque despois de todo a angustia e desesperación, o seu can Heiko foi localizado! Escapou o pasado día 28 de xullo de A Moreira (Monterroso) e foi localizado onte, domingo, na zona de Vilance, en Monterroso.

Heiko xa de volta na casa.

Tal e como indican fontes cercanas estaba no medio dunha finca de millo e debía de levar alí tres días. "Avisounos un home que pasou co coche por alí e que o viu meterse nunha finca de millo e había alí xusto un cartel e xa nos chamou. Tiven que darlle a volta a toda a leira chamando por el... e o final saíu moi despaciño cara a min aínda un pouco desconfiado, ata que chegou xusto ao meu lado, e así xa se puxo moi contento! Xa na casa ducha e súper ben... un pouco máis desconfiado con calquera ruído extraño", indica a súa dona. Sinala que só ten unha pequena ferida nun lado, pero moi limpia e case curada.

Publicidade

Preme na imaxe para contactar con nós.

"O dos carteis que fomos poñendo por onde nos daban pistas funcionou moi ben e tamén é certo que había moita xente que o sabía polas redes sociais. Moitas gracias a todos pola implicación", engade.

Dende ECOS DA COMARCA alegrámonos moito!

NOTICIA RELACIONADA:

https://www.ecosdacomarca.com/post/buscan-a-heiko-un-can-perdido-en-monterroso