Denuncian danos en vehículos no vial da Deputación que une Antas con Chantada onde se está actuando

Ecos da Comarca/Antas de Ulla

Segundo fontes oficiais, xa se presentaron ao menos dúas denuncias ante a Garda Civil por danos ocasionados nos vehículos debido aos traballos de arranxo da estrada LU-P-1809 que comunica Chantada e Antas de Ulla por Taboada.

Un dos vehículos afectados.

Tal e como nos confirma un dos afectados que xa interpuxo denuncia, o seu vehículo quedou cheo de alquitrán, como se apreza na imaxe. "É todo alquitrán o que teñen por botalo a semana pasada chovendo e ao quedar na estrada foi para os coches", indica este afectado, quen ademais, apunta que hai gravilla solta na estrada.

O estado do vial.

Ademais, coméntanos de que hai máis vehículos danados. "A ver agora como lle quitamos o alquitrán...", lamenta.

Preme na imaxe se quere contactar connosco.

Cabe mencionar que a Deputación de Lugo está actuando neste vial. A actuación, que está sendo executada por unha empresa privada, conta cun investimento que supera os 150.000 euros e o proxecto inclúe a renovación de practicamente o conxunto da vía, actuando en máis de 20 quilómetros dos preto de 25 quilómetros que ten.

"Estase gastando os cartos e a vía está quedando penosa. Hai que ir moi despacio ao haber gran cantidad de gravilla solta que pode causar accidentes", engade o afectado.