Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

  • IsmaelRS

Datos de Covid nas comarcas de Arzúa, Deza, Terra de Melide e A Ulloa deste xoves, 29 de xullo

Un único municipio libre de coronavirus, os mesmos que fai 24 horas, a situación e máis preocupante en Melide, Monterroso e Palas de Rei onde a escalada e máis pronunciada


IsmaelRS/Xeral

XOVES, 29 XULLO

Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 29 de xullo, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Un único municipio sen ningún caso de Covid-19: Dozón. Contamos con dous municipios no nivel máximo (Arzúa e Melide), un no nivel medio (Sileda) os 14 municipios restantes atópanse no nivel mínimo de restrincións.


Na comarca arzuana tal e como informa o Sergas, Arzúa sitúase con 38 casos, tres menos que fai 24 horas, O Pino ten en 39 afectados, un menos que fai 24 horas, Boimorto e Touro atópanse nunha taxa entre 1 e 9 afectados dende fai varios días.


Na comarca dezana hai un único municipio libre de Covid: Dozón que non ten ningún caso dende hai días. Agolada, tal e como confirmou onte o concelleiro de Sanidade, Marcos Galego, hai cinco casos activos, os mesmos que hai 24 horas. Rodeiro, segundo o Sergas, está entre 1 e 9 afectados. Lalín segundo a incidencia acumulada a 14 días ten 34 afectados, oito menos que onte, tal como indican dende o consistorio. E Silleda tal e como apuntou pola tarde o Concello ten 34 casos, os mesmos ca onte. Pola súa parte Vila de Cruces ten 12 afectados, tres máis que fai 24 horas.


A comarca Terra de Melide todos municipios contan con casos activos, Santiso sitúase cunha taxa entre 1 e 9 casos. O Sergas indica que Melide ten 83 afectados, dous máis que fai 24 horas, Toques ten 12 afectados, un máis que fai 24 horas, e pola súa parte Sobrado dos Monxes atópase nunha taxa entre 1-9 afectados.


Por último, na comarca da Ulloa todos os municipios teñen algún caso. Antas de Ulla segundo a incidencia acumulada a 14 xornadas, ten entre 1 e 9 contaxios. En concreto o Concello indicou este mércores que hai sete contaxios. Pola súa parte o municipio de Monterroso pasa a situarse con 51 casos covid, un máis que fai 24 horas, dende o Concello onte indicaban: "Nos próximos días tamén se levará a cabo un cribado voluntario para o sector da hostelería e o comercio. A partir do sábado ás 00horas o Concello entrará en nivel máximo de restricción. De tódolos xeitos, por prevención a pesar de que non é obrigatorio adoptáronse os seguintes acordos que se irán actualizando en función da situación sanitaria:

- Peche da piscina municipal da Área recreativa A Peneda a partir de mañá, manténdose única e exclusivamente os cursos de natación.

- Cancelación do Slalom de Monterroso previsto para o sábado 31

- Cancelación das actividades acuáticas que se ían celebrar no Río Ulla o sábado 31.

O Concello en función do avance da situación irá adoptando medidas que estime oportunas". E Palas de Reis con 23, un máis que fai 24 horas.