Contamos con tres municipios libres de covid: Dozón, Monterroso e Sobrado dos Monxes. Dende hoxe baixa desta lista o municipio de Toques
IsmaelRS/Xeral
XOVES 2 DECEMBRO
Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 2 de decembro, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Contamos con tres municipios libres de covid: Dozón, Monterroso e Sobrado dos Monxes.
Na comarca arzuá tal e como informa o Sergas, todos os municipio teñen casos activos de covid. Arzúa, Boimorto, O Pino e Touro sitúase nunha escala entre 1 e 9 afectados, dende fai varios días.
Na comarca dezá contamos cun único municipio libre de casos Covid, é o caso de Dozón. Vila de Cruces sitúase nunha escala entre 1 e 9 afectados, dende fai varios días. Agolada ten tres positivos, tal e como informou antonte pola mañá o concello. Rodeiro conta con 5 positivos, tal e como informa o alcalde, Rubén Quintá Quintá. Silleda conta con once casos activos. Pola súa parte Lalín sitúase con 22 afectados, un máis que na xornada de onte.
Na comarca Terra de Melide contamos cun único municipio libre de casos: Sobrado dos Monxes. Santiso e Toques volven contar con casos, e sitúanse nunha escala entre 1 e 9 afectados. Pola súa parte o municipio de Melide segue nunha escala entre 1 e 9 casos activos, dende fai varias semanas.
Por último, na comarca da Ulloa contamos cun único municipio libre de covid: Monterroso. Pola súa parte Antas de Ulla e Palas de Rei sitúanse nunha escala entre 1 e 9 afectados.
Comentarios