Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

  • IsmaelRS

Datos de Covid nas comarcas de Arzúa, Deza, Terra de Melide e A Ulloa deste xoves, 12 de agosto

Son catro os municipios libres de coronavirus, un máis que fai 24 horas. Hoxe o municipio que máis casos rexistra é para Silleda con tres novos contaxios


IsmaelRS/Xeral

XOVES, 12 AGOSTO

Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 12 de agosto, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Son catro os municipios sen ningún caso de Covid-19: Agolada, Dozón, Santiso e Toques. Contamos con un municipio no nivel máximo (Monterroso), dous no nivel alto (Melide e Palas de Rei) e tres no nivel medio (Arzúa, Silleda e Touro) e os 11 municipios restantes atópanse no nivel mínimo de restrincións.


Na comarca arzuana tal e como informa o Sergas, Arzúa sitúase con 12 casos, dous menos que fai 24 horas, O Pino ten 13 afectados, dous máis que onte, Touro ten 25 afectados, un máis que fai 24 horas, mentres que Boimorto atópase nunha taxa entre 1 e 9 afectados dende fai varios días.


Na comarca dezana hai dous municipios libres de Covid: Agolada e Dozón. Rodeiro conta con 20 casos activos, tal e como informou onte pola tarde o alcalde, Rubén Quintá. Lalín segundo a incidencia acumulada a 14 días ten 35 afectados, os mesmos que onte; Silleda ten 34 casos activos, tres máis que fai 24 horas, tal e como informou hoxe o Concello e pola súa parte Vila de Cruces rexistra 18 afectados, un menos que fai 24 horas.


Na comarca Terra de Melide hai dous municipios libres casos: Santiso e Toques, este último súmase a esta lista dende hoxe. O Sergas indica que Melide ten 27 afectados, un menos que fai 24 horas. Pola súa parte Sobrado dos Monxes encontrase entre 1-9 casos, un menos que fai 24 horas.


Por último, na comarca da Ulloa todos os municipios teñen algún caso. Antas de Ulla segundo a incidencia acumulada a 14 xornadas, ten entre 1 e 9 contaxios. Pola súa parte, o municipio de Monterroso sitúase con 18 casos de Covid, os mesmos que fai 24 horas. E Palas de Reis rexistra 19, un menos que fai 24 horas.

Fonte: Ecos da Comarca.

Este gráfico fai referencia aos datos de contaxios segundo a incidencia acumulada a 14 días e no caso de Arzúa, Lalín, Melide, Monterroso, O Pino, Palas de Rei, Silleda e Touro son os casos activos.