Hai dous municipios libres de coronavirus, un máis que fai 24 horas porque hoxe únese a esta lista Rodeiro. A situación é máis preocupante en Melide e Monterroso
IsmaelRS/Xeral
VENRES, 30 XULLO
Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 30 de xullo, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Dende hai día había un único municipio sen ningún caso de Covid-19, Dozón, pero hoxe tampouco rexistra ningún afectado Rodeiro. Contamos con dous municipios no nivel máximo (Arzúa e Melide), un no nivel medio (Silleda) e os 14 municipios restantes atópanse no nivel mínimo de restrincións.
Na comarca arzuana tal e como informa o Sergas, Arzúa sitúase con 37 casos, un menos que fai 24 horas, O Pino ten 37 afectados, dous menos que fai 24 horas,mentres que Boimorto e Touro atópanse nunha taxa entre 1 e 9 afectados dende fai varios días.
Na comarca dezana hai dous municipios libres de Covid: Dozón e Rodeiro, xa que este último súmase dende hoxe a esta lista. Agolada, tal e como confirmou hoxe o concelleiro de Sanidade, Marcos Galego, segue tendo cinco casos activos; Lalín segundo a incidencia acumulada a 14 días ten 38 afectados, catro máis que onte, tal como indican dende o consistorio; Silleda tal e como apuntou onte pola tarde o Concello ten 34 casos e pola súa parte Vila de Cruces rexistra 12 afectados, os mesmos que fai 24 horas.
Na comarca Terra de Melide todos municipios contan con casos activos: Santiso sitúase cunha taxa entre 1 e 9 casos; o Sergas indica que Melide ten 82 afectados, un menos que fai 24 horas: Toques contabiliza 12 afectados, os mesmos ca onte, e pola súa parte Sobrado dos Monxes atópase nunha taxa entre 1-9 afectados.
Por último, na comarca da Ulloa todos os municipios teñen algún caso. Antas de Ulla segundo a incidencia acumulada a 14 xornadas, ten entre 1 e 9 contaxios. En concreto o Concello indicou este mércores que hai sete contaxios. Pola súa parte, o municipio de Monterroso pasa a situarse con 53 casos de Covid, tres máis que fai 24 horas. Dende o Concello o mércores indicaban: "Nos próximos días tamén se levará a cabo un cribado voluntario para o sector da hostelería e o comercio. A partir do sábado ás 00:00 horas o Concello entrará en nivel máximo de restricción. De tódolos xeitos, por prevención a pesar de que non é obrigatorio adoptáronse os seguintes acordos que se irán actualizando en función da situación sanitaria:
- Peche da piscina municipal da Área recreativa A Peneda a partir de mañá, manténdose única e exclusivamente os cursos de natación.
- Cancelación do Slalom de Monterroso previsto para o sábado 31
- Cancelación das actividades acuáticas que se ían celebrar no Río Ulla o sábado 31.
O Concello en función do avance da situación irá adoptando medidas que estime oportunas". E Palas de Reis rexistra 24, un máis que fai 24 horas.
Fonte: Ecos da Comarca.
Este gráfico fai referencia aos datos de contaxios segundo a incidencia acumulada a 14 días e no caso de Arzúa, Lalín, Melide, Monterroso, O Pino, Palas de Rei e Silleda son os casos activos.
Limitacións por municipios
O comité clínico que asesora á Xunta de Galicia na xestión da pandemia provocada pola Covid-19, acordou:
Nivel máximo sete concellos: O Barco de Valdeorras, Cambados, A Pobra do Caramiñal, Boiro, Sanxenxo, Meaño e O Grove. .
Nivel alto na provincia da Coruña, os municipios de Melide, Porto do Son, Carballo, Fisterra, Oleiros, Vimianzo, Arzúa e Ribeira; en Lugo os de Burela, Viveiro, Cervo, Foz e Ribadeo; na provincia de Ourense, ademais de Avión, Barbadás e Carballiño estará a cidade de Ourense; e, na provincia de Pontevedra estarán Vigo, Pontevedra, A Illa de Arousa, Vilagarcía, Vilanova de Arousa, Marín, Poio, Baiona, Gondomar, Nigrán, O Rosal e Tomiño. .
Nivel medio os municipios de Beariz, Entrimo, Boborás, Maceda, O Pereiro de Aguiar, San Cibrao, Ribadavia, Vilamartin de Valdeorras, Sarria, Mondoñedo, Lugo, Vilalba, A Coruña, Culleredo, Cambre, Sada, Ames, Muros, Noia, Oroso, Santiago, Silleda, Teo, Pontecesures, Fene, Ferrol, Mugardos, Meis, Ribadumia, Caldas de Reis, Redondela, Bueu, Ponte Caldelas, A Guarda, Moaña, Mos, O Porriño e Tui. .
Os restantes concellos galegos permanecerán no nivel medio-baixo.
NOVIDADES NAS LIMITACIÓNS A PARTIR DE MAÑÁ SÁBADO 31 DE XULLO:
Comentarios